royal purple

while reviewing my mathematics using the internet i came across a website with the name purplemath and among the things i learn from this site was something called royal purple. in the philippines we associate this color with death. however royal purple is also known as tyrian purple which is the color of the royalty in those part of the world. when i checked with the wikipedia about the royal purple color it mentioned that the color is derived from a particular mollusk - a shell...

Permis de sejour

Today I received an email from my lawyer with an opening line that goes like this : "For a change some good news for you..." anyway the good news he was talking about was the approval for my application for the extension of my residence permit or as they call here my Permis de sejour. It took the Federal Migrations Office, which is in Berne, almost three months to process my application. Within this time period I was left with no other choice but to stay put in Switzerland for the simple reason that the moment I cross the border - say for example I go visit Avi and Aviva who are living in Divonne les bains - I will not be permitted by the border police to enter back through the same border passing I took on the way out, even if I show them a letter attesting that my Permis de sejour is still being processed. Anyway living outside one's own country can be both an exercise of diplomacy, anger control, and tolerance to a civilizedworld that is always saying something but doing the opposite. The same civilized world most of the times is more comfortable dealing with a card or a number than a human being.

rosalina

dai malingawan
ta manuknok sa
manatong
sabi ni may trining
kun nata kaipuhan na
may pagkot an rosalina
sa saiyang ngimot
manamis namis an lasa
kan sigarilyo na inio
non filter pa

paul klee zentrum

sisay baya an magtubod
na an mga kinurit asin
pininta mo 30 taon an nakaagi
ngunyan pigbibisita asin
pigpapabakal
enewe sisay ako na
maghapot kun ano an gustong
sabihon kan mga ikinurit mo
sa sakuya sana
daing sisay man an pedeng
magsabi kun ano mananngad an nasa
sa boot mo kan ikinururit mo
an mga lapis
asin mga pinta
sa mga papel

edad 40

octobre 29, 2006
octobre 29, 1966
40 taon an inagihan
padagos pa man an paglakaw
dakul na na lugar na dinalaw
uministar
inistaran
dakul na tawong namidbidan
nagpamidbid
an sadiri kaibahan
paduman
pauli

ginisang maluto

mawara na an tinapay pero dai nanggad mawawara an maluto sa lamesa kan pinoy. syempre maski sisay na taga Pilipinas tatao magluto ko maluto. pero iniong sakuyang recipe pedeng sunudon nindo o pedeng baguhon.

Kaipuhan nindo ki

1 sibulyas, tinadtad
2 pidasong bawang, tinadtad
1 dakulang kamatis, giniris na pino
dahon ki sibulyas, giniris na pino
olives (mga 10 pidaso)
1 longganisa, giniris na pa kwadrado, pino
lanang nyog
1 tasang bagas
2 tasang sabaw ki manok

igisa an bawang asin an sibulyas. isunod na ikaag an longganisa. pag nagmantika na an longganisa, ikaag an kamatis. isunod an bagas. igisa asin haloon ki marhay sa mga nagkairinot na ingredients. ikaag an 2 tasang sabaw kan manok. lukduan hanggan sa maluto an maluto.

beef stroganoff version rafael

para sa duwang katawo
6 na pidasong tubu (baby mushroom sa ingles), giniris na katamtaman pino
1 pidasong sibulyas, giniris na katamtaman pino
2 kutsarang sour cream
300 gramo na karneng baka (pang steak), hiniwa na pino pahiraba
2 kutsarang lanang nyog para sa paggisa kan sibulyas asin tubu
1 dagdag na kutsarang lanang nyog sa paggisa kan karneng baka
asin
pamintang tinadtad
paprika
giniris na parsley

igisa an sibulyas asin tubu madali sana. budbudan ki asin asin tinadtad na paminta. haunon sa plato
ikaag an 1 kutsarang dagdag na lanang nyog asin igisa an karneng baka madali sana. budbudan kan paprika, asin, paminta. ihalo an ginisang sibulyas-tubu. haloon. ikaag an 2 kutsarang sour cream.
pedeng mamili sa tulo: maluto, french fries o pasta. ikaag an napili sa sarong plato asin budbudan sa ibabaw kan beef stroganoff. bon appetit

an dalan pa Damascus

dai maghadit may asin pay
digdi kun saen ako nagtatrabaho sa tahaw kan anong gagayon na kahoy na cypress kan lebanon padagos an pagdalagan kan buhay:
kasubanggi pagkatapos kan sakuyang pagluto kan pamanggehan asin paramentas naghahalat na matapos an pagkakan kan pamilya kan sakuyang amo
pigbasa ko mag ka tulong beses an surat na ipinadara mo kan nakaaging bulan
maugmang bareta na nasa top ten sa saiyang klase si Ana asin maski ngani aram ko na nagpapasaway si Junior aram ko na pirit man na nagpupursigi iyan nganing dai siya mangapurit sa saiyang klase.
iyo perang beses na baga akong nag text na dai kamo maghadit ta marahayon an sakuyang mga amo digdi: pareho bagang nag ta trabaho an sakuyang mga amo: an lalaki doktor sa pampublikong ospital asin an babaye igwang sadiring tindahan ki manlaen laen sanang produkto para sa mga babaye. iyo sana ta an solong aking lalaki na ka edad ni junior kun minsan grabe an kakulitan...pero nauugma ako ta maski pano nalilingawan ko an pungaw kay junior asin kay Ana.
Harayo man kami sa linderos kan lebanon asin israel kun saen padagos an borombahan. an amo kung lalaki nagdesisyon na dai maghale ta sabi nya mas kaipuhan sya sa mga panahon na inio digdi sa saindang nasyon. so babaye pigsarahan muna so saiyang tindahan ta naghahadit man kun baka mag abot an panahon na dumakula an gyera asin makaabot digdio. pinakihurunan ako kan sakuyang mga amo na dai mag-uli dyan sa estanza, dodoblehon daa an sweldo ko. maski ngani si leticia- so amiga ko baga na taga catanduanes na namidbidan ko sa simbahan digdi - duwang aldaw na an nakaagi nag paaram sakuya na pigpapauli sya kan saiyang amo ta so mga amo nya mapa siring sa london makaibitar sa remalaso digdi.
kumusta palan pay an saimong rayuma? ano marhay man so ipinadara ko na panhaplas sa matanglay? si may dai na mag para ugbas ta baka iyo pa iyan an dahilan kan saimong pag para-abo. Ana dai pagpabayaan si Junior asin Junior magdangog ki manay mo. Masurat giraray ako sa masunod na semana, ipapadara ko an saindong para gastos sa katapusan,

Naty

mga uring-uding

sabi ni padi si madi mo daa namamalisyahan nya na pirmi an pagayon pag nasa byahe si padi...makangalas
sabi ni madi si padi mo daa pirming naghehedale sa mga byahe nya...nata baya
sabi ni padi si madi mo daa pirming nagwawalat an pahamot sa dalan ...
si madi mo asin si padi mo
mga uring - uding
sa tindahan ni tiya lagring

lubi-lubi

ma-ogboson an lubi-lubi sa gimata
tamang-tama kasu banggi nag ilaw si pay
dakul na hipon an nakua
may kasili pa
sing ogbos sana an kuahon
mga 20 poon
masiram an pigpuknit sana
imbes giniris
bunutan man an sarong gasiraban
duman sa lukadan igwa pa ki 3
darangon so kasili tapos
himayon
ilain an payo
an premerong gunaw sarong tasa sana
para sa lipotok
an ika duwang gunaw 2 tasa
sige sana an bukag nganing dai mag linaw an nyog
isabay naman so hipon asin so dinarang na kasili
an payo ikaag pag luto na an lubi lubi

ano an sala sa chicago

gari kaipuhan an dakul na pasensya
asin kosog ki boot
kun maistar ka sa sarong syudad arog kan chicago
ihanda mo naman an sadiri mo na maski nasa saro syudad kamo parehong nakaistar dai nangangahulugan na pirmi kamong maghehelengan, iyan an sabi ni victor
an kada saro igwang sadiring linya na lalakawan
dipisilon na mag krus an mga linyang inio
sabi ko kaiyan kaya mas marhay na igwang ayam na kairiba sa harong

gurulay-gulay

simple sana:
magpudo ki nagkapirang dahon ki
malubago
pilion so ugbos
sabayan man ki nagkaperang burak
girison an mga dahon asin mga burak
dai paglingawan an bangot:
nagkaperang pidaso ki
ulu-ulo
tamang-tama igwang bagong bakal na
sara-sapnaan hale pa sa tiwi
pagkutan an sarasapnaan
kun daing alang na awot
piniridasong papel
isapna an kawali kun saen ikinaag so mga giniris na dahon kan malubago asin
so mga burak
hudyan na ikaag so mga ulu-ulo
pagkaluto dai paglingawan na gurulay-gulay man sana inio
saraginsagin man sana an paghungit
isipon na sana na an pighuhungit
fried chicken o beefsteak

si ms brondial

sadit na babaye. daragang gurang na. nalingawan o liningawan an pag agom. mas midbid na librarian kan albay provincial library. kun magamit ka kan library seseguradohon nanggad ni ms brondial na maliwanag saimo an patakaran. dai nanggad malingawan na mag apply muna ki id ta segurado man sana na ini an hahagadon sa saimo. bawal na bawal an makiistoryahan sa laog kan library kun malingawan mo inio makaskas pa sa ala singko na ituturo sa saimo ni ms brondial an naka paskil na rules and regulations kan library asin ituturo sa saimo an nakasurat sa pula na all caps na KEEP SILENT
sa pagheleng ko sana dai na naka agom si ms brondial ta inubos nya na an saiyang oras sa pag antabay kan mga magamit kan library...

si mama yeth asin si papa joe

si mama yeth aki ini ni pay donying. taga san roque, legazpi. si papa joe taga taysan, namidmidan ni mama yeth kan panahon na promo girl pa sya kan swift food corporation. nagtatrabaho si papa joe sa liberty commercial center kun saen si mama yeth nag roroving. sabi ngani kaiyan dipisil daang pugulon an pana ni kupido pag binutasan na inio. sa halipot na iristoryahan nagpakasal so duwa. mala ta si remy flower girl sa kasal kan duwa. nagkaaki ki 2. nag retire si mama yeth na atab sa swift. si joe naghale sa liberty commercial center asin nag piggery so 2. nagpajapan si mama yeth, nawalat si papa joe asin so 2 aki. huring bareta ku naghiwalay si mama yeth asin si papa joe. an dahilan: igwang boyfriend si papa joe. estudyante sa aquinas university. hay si papa joe talaga

si pay donying

celedonio abordo o simpleng pay donying. dating pulis sa legazpi asin mga tulong taon an naka-agi hermano mayor kan samuyang barangay chapel. sabi ni ma gitilonon daa si pay donying ta naggugurang na baya (gari baga sa isip ko si ma baku pa gurang kan pigsabi inio)kun minsan mananggad dai mo sana mabati sa dalan kun nasa dalan si pay donying talagang taud taud kaiyan may madadangog ka na na si rafael dai lamang ako binati o binisahan. kasuhapon pag apod ko sa harong naaraman ko na nagadan na si pay donying. sa isip ko sana mas marahay naman na nagadan na nganing makapahingalo naman siya.

three kings

three kings. pinakahuring aldaw kan krismas sa pilipinas. sisay an makakalingaw kaini lalo na kun saro kang estudyante? pagkatapos baya kan three kings kinaagahan kaiyan baralikan sa eskwela. makahugak baga na magbalik sa eskwela pagkatapos kan mag ka duwang semanang daing eskwela. enewe an three kings palan kun lingaw mo na an mga ngaran iyo ini: si melchor, gaspar asin baltazar.