si manay eva

dai pa ngani naga-tukturaok an mga manok sa sanga kan bayawas, papagkutan nya na an gasira pasiring sa manatong
baku ta kaipuhan na makiumbasan sa tik tak kan relo
pero kaipuhan na magsalod asin magtipon ki tubig
para sa paggaro-garo sa maghapon
asin paglaba
maski ngani dai pa nagkakaratorog an namok
(madiklom pa baga asin sa mga oras na inio
quinze minutos bago mag alas-2 nin aga
aram kan mga namok na si manay eva
mapasiring sa manatong
dara an gasira
balde
planggana
na pano kan labahan
bareta ki mr. clean
clorox
tabo
brush
asin dakul na
pasensya