mga uring-uding

sabi ni padi si madi mo daa namamalisyahan nya na pirmi an pagayon pag nasa byahe si padi...makangalas
sabi ni madi si padi mo daa pirming naghehedale sa mga byahe nya...nata baya
sabi ni padi si madi mo daa pirming nagwawalat an pahamot sa dalan ...
si madi mo asin si padi mo
mga uring - uding
sa tindahan ni tiya lagring

lubi-lubi

ma-ogboson an lubi-lubi sa gimata
tamang-tama kasu banggi nag ilaw si pay
dakul na hipon an nakua
may kasili pa
sing ogbos sana an kuahon
mga 20 poon
masiram an pigpuknit sana
imbes giniris
bunutan man an sarong gasiraban
duman sa lukadan igwa pa ki 3
darangon so kasili tapos
himayon
ilain an payo
an premerong gunaw sarong tasa sana
para sa lipotok
an ika duwang gunaw 2 tasa
sige sana an bukag nganing dai mag linaw an nyog
isabay naman so hipon asin so dinarang na kasili
an payo ikaag pag luto na an lubi lubi

ano an sala sa chicago

gari kaipuhan an dakul na pasensya
asin kosog ki boot
kun maistar ka sa sarong syudad arog kan chicago
ihanda mo naman an sadiri mo na maski nasa saro syudad kamo parehong nakaistar dai nangangahulugan na pirmi kamong maghehelengan, iyan an sabi ni victor
an kada saro igwang sadiring linya na lalakawan
dipisilon na mag krus an mga linyang inio
sabi ko kaiyan kaya mas marhay na igwang ayam na kairiba sa harong

gurulay-gulay

simple sana:
magpudo ki nagkapirang dahon ki
malubago
pilion so ugbos
sabayan man ki nagkaperang burak
girison an mga dahon asin mga burak
dai paglingawan an bangot:
nagkaperang pidaso ki
ulu-ulo
tamang-tama igwang bagong bakal na
sara-sapnaan hale pa sa tiwi
pagkutan an sarasapnaan
kun daing alang na awot
piniridasong papel
isapna an kawali kun saen ikinaag so mga giniris na dahon kan malubago asin
so mga burak
hudyan na ikaag so mga ulu-ulo
pagkaluto dai paglingawan na gurulay-gulay man sana inio
saraginsagin man sana an paghungit
isipon na sana na an pighuhungit
fried chicken o beefsteak

si ms brondial

sadit na babaye. daragang gurang na. nalingawan o liningawan an pag agom. mas midbid na librarian kan albay provincial library. kun magamit ka kan library seseguradohon nanggad ni ms brondial na maliwanag saimo an patakaran. dai nanggad malingawan na mag apply muna ki id ta segurado man sana na ini an hahagadon sa saimo. bawal na bawal an makiistoryahan sa laog kan library kun malingawan mo inio makaskas pa sa ala singko na ituturo sa saimo ni ms brondial an naka paskil na rules and regulations kan library asin ituturo sa saimo an nakasurat sa pula na all caps na KEEP SILENT
sa pagheleng ko sana dai na naka agom si ms brondial ta inubos nya na an saiyang oras sa pag antabay kan mga magamit kan library...

si mama yeth asin si papa joe

si mama yeth aki ini ni pay donying. taga san roque, legazpi. si papa joe taga taysan, namidmidan ni mama yeth kan panahon na promo girl pa sya kan swift food corporation. nagtatrabaho si papa joe sa liberty commercial center kun saen si mama yeth nag roroving. sabi ngani kaiyan dipisil daang pugulon an pana ni kupido pag binutasan na inio. sa halipot na iristoryahan nagpakasal so duwa. mala ta si remy flower girl sa kasal kan duwa. nagkaaki ki 2. nag retire si mama yeth na atab sa swift. si joe naghale sa liberty commercial center asin nag piggery so 2. nagpajapan si mama yeth, nawalat si papa joe asin so 2 aki. huring bareta ku naghiwalay si mama yeth asin si papa joe. an dahilan: igwang boyfriend si papa joe. estudyante sa aquinas university. hay si papa joe talaga

si pay donying

celedonio abordo o simpleng pay donying. dating pulis sa legazpi asin mga tulong taon an naka-agi hermano mayor kan samuyang barangay chapel. sabi ni ma gitilonon daa si pay donying ta naggugurang na baya (gari baga sa isip ko si ma baku pa gurang kan pigsabi inio)kun minsan mananggad dai mo sana mabati sa dalan kun nasa dalan si pay donying talagang taud taud kaiyan may madadangog ka na na si rafael dai lamang ako binati o binisahan. kasuhapon pag apod ko sa harong naaraman ko na nagadan na si pay donying. sa isip ko sana mas marahay naman na nagadan na nganing makapahingalo naman siya.

three kings

three kings. pinakahuring aldaw kan krismas sa pilipinas. sisay an makakalingaw kaini lalo na kun saro kang estudyante? pagkatapos baya kan three kings kinaagahan kaiyan baralikan sa eskwela. makahugak baga na magbalik sa eskwela pagkatapos kan mag ka duwang semanang daing eskwela. enewe an three kings palan kun lingaw mo na an mga ngaran iyo ini: si melchor, gaspar asin baltazar.

sa matibo

narumduman ko ta kasubago igwang pigpalabas an bbc manunngod sa matibo - kun sa ingles mangrove. so dating harong mi kaito sa likod kan funeraria oro sa rizal street sa barangay 24 igwang parte na matibo. inda daw ta kan nasa high school ako negatibo an abot sakuya na sa likudan kan harong mi matibo ngani. (seguro dahil an mga ka klase ko kan nasa high school na ako nakairistar sa subdivision). enewe narurumduman ko kan nasa elementary pa sana ako bakong gayong negatibo an dating sakuya kan likudan kan harong mi. mala ta nagpapaurumbasan pa kami kaito mag-banwit kan kagang asin pag dakula an taob syempre so mga sira na nagiiba sa taob.

an magayunon pa kan matibo ta kun mahigus ka maghanap madali man sanang makakua ki bunga kan nipa asin bugnay. saradit sana an bunga kan nipa pero mas sadit an pisog na nasa laog kainio an igwang puting kunab na gari man sana lychees. ta sa matibo ngani nagatubo kaya ma uruaskad an namit. an bugnay bunga inio kan sarong klaseng binit, kolor pula na pag hinog asin maalsum. sa cabagnan elementary school kaidto igwang nag titinda kaini. pero mas masiram man giraray baga idtong pigpagalan mong hanapon. iyan sana ta dapat makatapos mong maghanap sa matibo kaipuhan mong magkarigos ta mapaparong ni ma an parong kan dugi. kun dai syempre kurusing an maaabutan mo.

kalye rutoy

inda daw kun nata inapod ini na kalye rutoy. primero an mga naka iristar sa lugar na inio sa pagheleng ko sana baku man mga narutuyan (sa paghelenga ko ngani an iba barasug-bagos pirme).

sa binanuahan an kalye rutoy. bago so tulay pasereng sa buragwis.

kadaklan kan mga ka klase ko sa elementary digdio naka iristar. so valedictorian kan batch me taga digdio - si precy vergara (rumdumon ko baya ta ako so salutatorian). mas tultol an lugar kumpara sa barangay 24. an dakulang parte pano kan barangay 24 matibo - pag dakulaon an taob an natad mi naaabot kan taob. kaya ngani igwang mga tulay hale sa luwasan. pero sa kalye rutoy mayong tulay. mas halangkaw pano an lugar kaya nakaka pagtaranom-tanom an mga ka klase ko. sa barangay 24 pag bulan abril hanggan mayo igwa kaming sadit na daga na pig tatanum-tanuman pero pagbulan agusto minaturunglay na sana an mga tanom dahil ngani ta nalalantupan kan taob.

pero mas kalmante an mga tawo sa barangay 24. an rumdum ko kan kalye rutoy igwang nagkaperang putol na lawas an nagkakurua duman.

si manay

iyan an apud kan mga tiyo-on asin tiya-on ko kay ma. pinakamatao sa magturugang: 12 gabos sinda.

si manay an daralaganan pag may diit na dai pagkasinarabutan: dai na baya nawawara iyan sa magturugang an diit na sirintikan, hade?

si manay an daragusan sa legazpi kun mabyahe halimbawa pa-manila

si manay an surublian ki kwarta kun nangangaipu asin harayo pa an rulukadan

maray pa si manay ta nakapatapos kan pag pa eskwela kan saiyang mga aki

maray pa si manay at may bagong TV

maray pa si manay ta mabilang mo pa sana an puti na buhok

etsetera, etsetera, etsetera

hay manay...

mga (h)istorya

mga burak kan tinampo

ano daw baya ta kan araki pa kita mas masiram na magkawat sa gilid kan tinampo imbes halimbawa magkaturog pagkapangudto

dai nanggad mamumuya kaiyan si ma

an apod nya kan mga aki na arog kaiyan an gibo imbes magkaturog mga burak kan tinampo

perang beses man baya na hinapot kami ni ma kun gusto mi na maging burak kan tinampo?

hmmmmm sa sadit na pag isip ko kaidtong panahon na aki pa man ako

anong maraot sa burak

asin sa tinampo?

pero mas marhay na sadiri mo na sana an hapoton mo

ta baka malanit na kurusing

an isimbag sa hapot mo

si tiyo ponso

padihon ni ma.

kataraning mi sa rizal.

halangkaw asin dakulang tawo

an lawas pano ki tattoo

an istorya gari hale sa muntinlupa

matibayon mag carving

asin magpanday sa harong

selensyo man kuta

pero pag nabubuyong

gari si tarzan kakusog

mala ta kun namumuya halos gabaon an bilog na harong

minsan ngani na nabuyong pati so tulayan ginaba

kinaagahan

siya man sana an nag panday...

white beach

hale sa centro magsakay ka sa tricycle pasiring sa puro. nasa atubangan kan supermarket kan legazpi an paradahan kan mga tricycle na an byahe pasiring sa binanuahan, buragwis, asin puro. dai na ki jeep pasiring sa puro - lugi daa an mga jeep.
dai maghanap ki puting baybayon. iyo aram ko na an ngaran white beach pero an baybason sa legazpi itum. kun nata an paliwanag kan mga gurang ta hale daa sa mayon an mga baybay na iyan. na madali talagang paniwalaan ta kada pagtuga mananggad gabos na baybay na pigluluwas kan bukid itum an kolor.
an white beach na gayod an pinaka-haraneng pigduduraman kan mga arog ming estudyante sa cabagnan elementary school pwede panong lakawon. pagka recess an iba nag ka cutting class na ta nagkapag surunduan na makararigos ngani sa white beach. mala ta imbes sa white beach sa salog na sana nagkararigos...

Pa-lusag

Dai paglingawan an tanglad: sarong bilog na tanglad, tultugon an poon. Mas lumbod na langka mas marahay. Ubakan asin haleon an baludbod (pero kun si pay an masusunod nata ta hahaleon pa an baludbod). Tadtadon an kada pidaso. Ikaag sa kaldero (o kawali) kasabay an tanglad, giniris na sibulyas asin bawang. Ibudbod an pasayan o buyod asin ibabaw an piniridasong kasag. Gunawon an niyog, kumua ki tama sanang lipotok, an tada ikaag sa kaldero. Ginuwan na pang 2 beses an niyog asin ikaag giraray sa kaldero. Lukduan asin ikaag sa kalayo. Pakalakagaon sana hanggan sa maluto an langka. Kun luto na ikaag an lipotok. Templahon ki asin. Masiram na magkamot sana sa pagkakan...

2 tula hale kay Rilke

1. Love Song

How can I keep my soul in me,

so that it doesn't touch your soul?

How can I raise it high enough,

past you, to other things?

I would like to shelter it among remote lost objects,

in some dark and silent place that doesn't resonate

when your depths resound.

Yet everything that touches us, me and you,

takes us together like a violin's bow,

which draws one voice out of two seperate strings.

Upon what instrument are we two spanned?

And what musician holds us in his hand?

Oh sweetest song.

2.The Sonnets to Orpheus: XXV

But you now, dear girl, whom I loved like a flower whose name I didn't know, you who so early were taken away: I will once more call up your image and show it to them,beautiful companion of the unsubduable cry. Dancer whose body filled with your hesitant fate,pausing, as though your young flesh had been cast in bronze;grieving and listening--. Then, from the high dominions, unearthly music fell into your altered heart. Already possessed by shadows, with illness near, your blood flowed darkly; yet, though for a moment suspicious,it burst out into the natural pulses of spring. Again and again interrupted by downfall and darkness, earthly, it gleamed. Till, after a terrible pounding, it entered the inconsolably open door.

(Rainer Maria Rilke was born in Prague. While still a small boy his mother, Sophie Entz, called him Sophia and forced him to wear girl's clothes. BUt over and above this small misfortune - at least for me - he went on the write poems which are very beautiful. For you who is interested to know more about him I invite you to click on this link http://www.poetryconnection.net/poets/Rainer_Maria_Rilke)

si adrie, si agnes sa holland

alas 6:45 nin aga - iyo an hale kan eroplano na madara sakuya sa amsterdam, nasa holland kun saen bibisitahon ko sa pinaka-enot na beses an dati kung ka trabaho sa banquerohan national high school sa legazpi na nakaagom ki dutch - si adrie. january 2003 ikinasal sinda habang nasa munich ako sa germany nasa primerong winter kan sakuyang pag eskwela. hudyan na naghelengan kami ni agnes kan nag uli ako kan august 2003. an pagbisitang inio iyo man an panahon na magkairistoryahan an mga magka aramigo.

naga-poon talaga an duwa, dai pa tapos an saendang harong mala ta sa sala pa sinda nagkakaturog ta dai pa naikakabit an heater sa saendang kwarto. maski ngani nadidipisilan sa heleng ko ma ogma an sakuyang amigang si agnes sa pagpoon kan buhay ninda bilang pamilya.

2 tula hale kay Mistral

1. The Sad Mother

Sleep, sleep, my beloved,without worry, without fear,although my soul does not sleep,although I do not rest.Sleep, sleep, and in the nightmay your whispers be softerthan a leaf of grass,or the silken fleece of lambs.May my flesh slumber in you,my worry, my trembling.In you, may my eyes closeand my heart sleep.

2.Pine Forest

Let us go now into the forest.Trees will pass by your face,and I will stop and offer you to them,but they cannot bend down.The night watches over its creatures,except for the pine trees that never change:the old wounded springs that springblessed gum, eternal afternoons.If they could, the trees would lift youand carry you from valley to valley,and you would pass from arm to arm,a child runningfrom father to father.

(I first came to know Gabriela Mistral on my first year in high school. Coming from a public school, without a library, it was for me a new experience to see rows upon rows of books and magazines, not only in our own school library (AUL-SOHS) but also in the main library. It was while leafing through some old Newsweek that I came across an article about the first Chilean poet who was awarded the Nobel Prize for Literature in 1945. Let me introduce you then to her by way of this url link http://www.poetryconnection.net/poets/Gabriela_Mistral)

World AIDS Day 2005

HIV is one of the biggest social, economic and health challenges in the world. It is a global emergency claiming over 8,000 lives every day. In fact 5 people die of AIDS every minute.
HIV stands for Human Immunodeficiency Virus. This is the virus known to cause AIDS (Acquired Immune Deficiency Syndrome). If someone is HIV-positive, it means they have been infected with the virus.
A person infected with HIV does not have AIDS until the virus seriously damages their immune system, making them vulnerable to a range of infections, some of which can lead to death.
HIV is transmitted through body fluids in particular blood, semen, vaginal secretions and breast milk, in fact there are only four ways you can become HIV positive.
In 2005, over 3 million people acquired HIV, which means there are now over 40 million people living with HIV and AIDS. Despite best efforts from governments, non-profit organisations and healthcare practitioners around the world, HIV and AIDS is

The best way to stop HIV being passed on is to use condoms during vaginal or anal sex, if there is any possibility that either partner could have the virus. It can take only a single episode of unprotected sex (i.e. not using a condom) with an infected partner for HIV to be passed on. Condoms are the only form of contraception that will protect you from HIV.
However, HIV is not always passed on the first time, so it's never too late to start practising safer sex.
For more information on safer sex visit the websites listed below:
Playing Safely http://www.playingsafely.co.uk This is an independent government funded web site providing information about sexually transmitted infections (including HIV).
The National African HIV Prevention Programme (NAHIP) http://www.nahip.org.uk The National African HIV Prevention Programme (NAHIP) is the national programme of HIV prevention initiatives targeting Africans in England. It aims to work with community-based organisations to implement national projects.
Metromate http://www.metromate.org.uk London's sexual health directory for gay men.
Brook http://www.brook.org.uk Brook provides free and confidential sexual health advice to young people under the age of 25.

still having huge global impact